Útsölur vei vei ;)

Jæja er búin að kíkja aðeins á útsölurnar ;) Hljóp aðeins um Smáralindina en ég held að loftræstikerfið þar hafi verið bilað, þvílíkur og annar eins hiti, úff!! En ég náði að versla aðeins á kallinn, slatta á stelpuna og bikini á mig fyrir LÚX... það er reyndar í það minnsta..... eins gott að fara út að hlaupa á hverju kvöldi þar til við förum út til að geta notað það...hmmmm.... byrja á morgun ;)

Ekki alveg með á nótunum...

Maður er nú stundum hálf klikk.... Ég prufaði buxnableyjur um daginn á dömuna mína en fannst þær svo óhentugar þegar barnið gerði nr.2... þá þurfti ég að leita að skærum til að klippa þær af og stundum var krakkinn á fullu iði á meðan ég reyndi að klippa og ég veit ekki hvað og hvað, bara MEGA bras svo ég hætti að nota þær... Síðan benti hún Kristín mér á það þegar ég var að ræða þessa erfiðleika við hana að þær væru sko hannaðar þannig að það væri lítið mál að rífa þær á hliðinum.... úps :) Þegar maður spáir í það þá meikar það auðvitað svolítið meira sens en að maður þurfi að vera að klippa með skærum hjá litlum króga sem getur ekki verið kyrr... dísús hvað maður er tómur stundum :)

Ætla að fjárfesta í buxnableyjum aftur fljótlega muuuuuuuuuuuuuuuuu :)

Jei jei ;)

Jæja fékk loks svar og það jákvætt svo nú er mikil gleði hér á þessum bæ, vííííí :þ

Hollendingar töpuðu hehe kom á óvart ;) Ég er hætt að halda með liðum, vill ekki gera þeim það muuuuuuu þvílík óheillakráka sem ég er ;)

Ég rak tána mína svona líka ROSALEGA í í gærmorgun, kræst það heyrðist alveg smellur og SÁRSAUKINN ji dúdda mía bara :s Ég alveg gargaði og gargaði og hoppaði og hoppaði og var bara alveg hreint að missa mig og hún dóttir mín hefur bara ekki séð það fyndnara, hélt hún myndi kafna úr hlátri henni fannst þetta svo fyndið!! Gunni reyndi nú að halda aftur af hlátrinum enda var ég nánast með tárin í augunum þetta var svo voooont og í dag er táin öll bólgin og svört og nöglin að detta af held ég :(

Jæja ætla að fara og dást að rósunum sem ég fékk í dag *mont* ;)

EM blogg

Gleymdi alveg að minnast á EM... Hélt með Englendingum í fyrsta leiknum í 8 liða úrslitum, þeir duttu út, hélt því næst frökkum en þeir duttu út... því næst með Svíþjóð þar sem Kluvert fékk ekkert að spila með hollendingum, Svíar duttu út líka. Hélt því næst með.....ja getið nú... já einmitt með dönum muhhahahaha sem eru dottnir út ;) Heppin ég að þurfa ekki að horfa á undanúrslit og úrslit muhahahaha ;)

:(

Héðan er ekkert að frétta, bara ung kona að deyja úr óþolinmæði :( Reyndar tókst mér að beygla aðeins bílinn okkar í gær bu-hu ég HATA BÍLA, ætli ég sé ekki komin í efsta sætið sem versti bílstjóri ever...?? Bíllinn var nú samt kyrrstæður sko, skil ekki alveg hvernig þetta gerðist.. en hann hlýtur bara að hafa runnið aðeins án þess að ég tæki eftir því *dæs*. Sá fyrst ekkert athugavert en svo þegar ég ætlaði að fara að opna skottið tók ég eftir beyglu, ekki alveg til að bæta ástandið hjá útúrtaugaveiklaðri dömunni :(

Nú sit ég bara og stari út í loftið og bíð eftir að síminn hringi.. stundum öskra ég á hann "HRINGDU NÚNA!" en það virðist ekki virka... eina sem það gerir er að gera fólkið í kringum mig hrætt ;)

Leti-líf ;)

Það var verið að benda mér á að ég væri bara ekkert búin að blogga um helgina... þetta var svo mikil leti helgi að ég gerði barasta ekki neitt held ég ;) Jú ég skrapp í bíó á Godsend með henni Bibbu og litlu bumbunni :) Myndin var svona la la myndi ég segja.. allavega eftir að hafa heyrt Mæju trasha hana... en ég varð nú pínu hrædd, var næstum búin að grípa í Birnu í einu atriðinu, haha aðeins að ruglast á henni og Gunna ;)

Núna er ég að drekka Pepsi Max... það er enginn maður með mönnum nema drekka þetta Max ekki satt? Og það er sæmilegt svo sum, skárra en diet pepsi og diet kók allavega, en sykurgosið finnst mér nú best :( Ég finn alltaf svo vont bragð af diet drykkjunum, bragð sem ég tengi einhverra hluta vegna við krabbamein.. og finnst mér þetta því svona krabbameinsbragð... Held það sé vegna þess að mér var einu sinni sagt að ef ég myndi drekka nokkur baðkör af Fresca þá gæti það valdið krabbameini, það er þetta sama bragð af Frescanu! En Maxið virðist nú vera laust við þetta óbragð svo ég ætla að sjá hvort ég geti vanið mig á það ;)

Á morgun fæ ég vonandi fréttir sem ég er búin að vera að bíííííða eftir og er það að gera mig GEÐVEIKA :( Allir að krossa putta að ég fái svar á morgun og það jákvætt ;)