BÍÓFERÐIR DAUÐANS

Herregud ég er búin að fara á 2 bíómyndir á 2 dögum og þær voru báðar VIÐBJÓÐUR :(
Fór fyrst með Dæju systir á Strangers og ef þið hafið gaman af að láta bregða ykkur nonstop og þurfið ekki á söguþræði að halda þá er hún fín... okkur fannst hún ekki fín. Og furðulegasta var að myndin byrjar á að segja að um sanna atburði sé að ræða en að enginn viti nákvæmlega hvað gerðist þetta kvöld.. WTF? Eiginlega búið að segja manni aðeins of mikið til að byrja með fannst mér hahahaha. Þetta er í þriðja sinn sem við Dæja förum á spennutrylli saman og þær eru alltaf viðbjóður, löbbuðum út af fyrstu og ég held við höfum líka labbað út af nr.2 er þó ekki alveg viss en það var Blair Witch Project 2 og hún var verri en þessi.

Fór síðan í gær með Ólavíu og Hafdísi Önju á Wall E og hún var ÖMURLEG. Guð minn góður bara. Þegar það var liðinn klukkutími frá því að myndin byrjaði (reyndar með auglýsingum) þá sagði einhver eitthvað í fyrsta sinn... SERIOUSLY ég var búin að horfa á vélmenni tína upp rusl í klukkutíma! En stelpunum fannst hún ágæt sem var fyrir mestu, ég hinsvegar sat og beið eftir að þetta tæki enda, hefur aldrei leiðst jafn mikið í bíó.

Ég var pínu stressuð yfir að fá martröð eftir fyrri myndina og vitið þið hvað mig dreymdi? Mig dreymdi að ég hefði bjargað Brad nokkrum Pitt frá ísbirni. Og reyndar til að vera nákvæm þá var um að ræða 4 stykki af ísbjörnum takk fyrir! Og ég hlaut að launum koss... og get nú sagt ykkur að Pittarinn kyssir ágætlega muhahahaha.

Annars er ég bara í handboltasigurvímu :o) Hef látið mig hafa það að vakna eftir að vera rétt nýsofnuð til að horfa á þessa gaura spila og það er svo algjörlega þess virði - ÁFRAM ÍSLAND. Jesús ef við vinnum gullið.... ok get ekki hugsað "hvað þá" því mér finnst það svo fjarstætt en það verður allavega hellt einhverju góðu í glas og skálað ;) Og ekki skemmir fyrir hvað þeir eru myndarlegir piltarnir :o)