JÁKVÆÐA MAJAN :)

Já LOKSINS LOKSINS er þetta allt að smella :o) Allar innréttingar komnar upp - vú hú fyrir því :) Rafvirkinn kemur í dag og klárar sitt svo ég geti notað eldhústækin (þau eru komin upp, vantar bara rafmagn á þau) vú hú fyrir því :) Hann hefur aldrei klikkað þegar hann segist ætla að mæta svo ég hef fulla trú á að hann mæti! Og þá vantar bara píparann til að tengja vaskana og uppþvottavélina og hann kemur á fim eða fös í þessari viku :) Og að lokum á þá smiðurinn eftir að koma aftur og setja sökkla á innréttinguna + laga einhver smáatriði (sem sjást ekki) og þá er þetta allt komið, svei mér þá alla daga þetta er bara að hafast! Hver hefði trúað því...?

Borðplatan ætti að vera til upp úr miðjum feb. Ég geri ráð fyrir að það þýði allavega enda feb en hey mér er sama, er með ljótar bráðabirgðaplötur en þær duga vel - ég bý allavega ekki lengur í tjaldi ;)

Pallurinn er kominn vel á veg, allur gólfflöturinn kominn og bara eftir að setja upp hliðarnar. Veðrið hefur ekki leikið við pallasmiðina mína.. en þeir hafa sko ekki látið það stoppa sig enda ALVÖRU iðnaðarmenn þar á ferð muhahaha ;) En það liggur nú ekkert á honum svo ég hef sagt þeim að taka bara sinn tíma í þetta - sýnist ég ekki vera á leið út á pall í sólbað á næstunni... En það er algjör lúxus að hann skuli vera kominn þetta vel á veg því þetta gefur okkur svo mikið næði hér fyrir utan, óþægilegt að hafa bílastæði beint fyrir utan stofugluggan hjá sér..

Já ég er í svona ljómandi góðu skapi þrátt fyrir að vera með stelpuna mína veika heima, hún veiktist á sun og er ennþá lasin :( Svo er líka eitthvað vesen á mér.. húðin á mér er eitt rautt upphleypt flak sem mig klæjar og svíður í - algjör vibbi og fór ég í blóðprufu í gær og fæ út úr henni á föstudaginn. Læknirinn vildi ath hvort þetta sé nokkuð meðgöngutengt, ég held í vonina að ég hafi bara verið komin með svona heiftarlegt ofnæmi fyrir DRASLINU í íbúðinni :) Nú er það farið svo útbrotin láta sig vonandi bara hverfa...