GLEÐILEG JÓL

Ég vil byrja á að óska henni Dæjuömmu minni innilega til hamingju með daginn en hún er orðin sjötug konan og glæsileg sem aldrei fyrr :o)

Annars ætlaði ég bara að kasta á ykkur smá jólakveðju, allir komnir í jólaskapið hér á bæ enda ekki seinna vænna :) Búið að henda upp jólatréinu og skreyta það með aðstoð heimasætunnar, búið að kaupa allar gjafir (allavega ég, bóndinn á eitthvað smá eftir skilst mér...), þarf ekkert að þrífa þar sem hér er allt í drasli hvort eð er (fínt að losna við það stress :) og jólin bara á næsta leiti.

Við tökum langt frí fjölskyldan saman, ætlum að vera í fríi milli jóla og nýárs, nema svo ólíklega vilji til að byrjað verði á að setja upp innréttingarnar á föstudaginn næsta. Þá ætlum við að kíkja bara í vinnuna á meðan smiðirnir púla hérna heima en við eigum nú ekki von á að það gerist svo við sjáum fram á 11 daga afslöppun með tilheyrandi áti og sjónvarpsglápi... mmmmm... :þ

Hafið það súpergott öll q:o)