Nammi...

Ég vinn með yndislegri vinkonu minni sem er ekkert nema indæl og vill allt fyrir mann gera. Meðal annars er hún rosalega dugleg að gefa mér eitthvað "gott" að borða þegar ég er svöng (sem er alltaf í kringum 10 leitið). Alltaf segir hún "ég á eitt ROSALEGA gott" og þegar ég var nýbyrjuð átti ég alltaf von á svaka góðgæti - en ekki lengur!!

Fyrst var boðið upp á eitthvað ógeðis hörbalæf súkkulaði *gubb*. Ég keypti mér þó kassa af þessu til að hafa til að narta í en svo bara kem ég þessu ekki niður, þetta er svo vont. Vinkonan kallar þetta NAMMI... WTF.. þetta er svo langt frá því að vera nammi að það er ekki fyndið.

Næst var það eitthvað annað svona "heilsusúkkulaði". Var lítið skárra.. verra ef eitthvað var og enn og aftur fannst vinkonunni þetta algjört nammi og skyldi bara ekkert í mér.

Og í dag sló hún nú öll met þegar hún sagðist eiga eitt ROSALEGA gott. Hún mætti með pappakex með smá súkkulaðislykju á, algjör VIBBI sem ég reyndi nú samt að koma niður því ég er svo svöng og viti menn ég fékk bara hiksta þetta var svo þurrt (bara eins og pappi) og drakk ég nú samt vatn með því!!

En það er ekki eins og ég læri af reynslunni og komi með nesti... ó nei er bara alltaf svöng og treð því í mig allskonar heilsuógeði sem greyið vinkonan er svo indæl að bjóða uppá og ég kann engan veginn að meta!! Það er þó stutt í að hin sælkera Mæja mæti á svæðið muhahahaha Mæja mættu með almennilegt (óhollt) nesti með þér!!

Vanþákkláta vinkonan.