Ljúfa líf ljúfa líf... da da da da

Já lífið er sko ljúft þessa dagana, algjörlega æði enda er sumarið minn tími ;)

Vikan reyndar búin að vera pínu erfið þar sem ég lagðist í 3ja daga þynnku takk fyrir..!! Veit ekki alveg hvað gerðist því ég fór í útilegu með eina freyðivínsflösku sem er 8% og deildi henni með fleirum... enda átti þetta bara að vera rólegheit og kósý en jeminn þetta endaði bara í svaðalegu geimi maður :o) Man samt að mér var boðið heitt kakó með vodka sem ég þáði og svo fannst mér það víst svo svakalega gott að ég sötraði nokkra bolla segir Rebekka muhahaha :) En ég var sko ekki sú eina í stuði, við vorum nokkur sem djömmuðum fram á nótt og skemmtum okkur konunglega alveg þar til daginn eftir - shit maginn minn þolir sko ekki vodka og ég ældi eins og múkki allan sunnudaginn, var svo ennþá nokkuð þunn á mán, ennþá smá slöpp í gær en nokkuð góð í dag bara :) Þetta verður sem sagt ekki endurtekið næsta árið.. léttvínsflaskan verður látin duga hér eftir!!

Og annað, ég þurfti endilega að sýna listir mínar á trampólíni, hélt ég væri enn í sama formi og þegar ég var 12 ára og nú er öxlin öll í volli, er að deyja ennþá... Já sem sagt smá ástand í gangi þessa vikuna hehe.

Var að hjálpa Rebbu minni að flytja í dag og ooohhh íbúðin þeirra er bara æði, svaka flott útsýni og alles - draumur í dós :) Bömmer að missa þau úr hverfinu samt :(

Svo er ég búin að bóka utanlandsferð í haust til NYC - ohhhh get ekki beðið :) Byrja þó á að kíkja til Danmerkur vikuna áður held ég og erum við að spá í að hafa það fjölskylduferð og taka bara dömuna með, held það yrði svakalega gaman að fara í eina ferð með hana líka en henni er sko ekki boðið til NYC muhahaha ;)

Jæja þetta er nú bara orðið ágætt held ég, njótið sumarsins og blíðunnar!!