Allt að verða reddí :)

Já já jólin mega bara fara að koma, allt að verða reddí hjá mér :) Notaði gærkveldið til að pakka inn öllu gjafaflóðinu sem ég er búin að versla... dísus þetta er nú ekkert eðlilegt, tók sko bara á að pakka þessu :) Ég á þó eftir að versla 2 gjafir en tvær af ca.40 er ekki neitt hehe svo ég tel mig vera á góðu róli :)

Ég er gjörsamlega föst í House þáttunum, er komin á seríu tvö og er bara forfallinn fíkill, horfi lágmark á tvo þætti á dag.... Mér fannst hann House fyrst svo ljótur en viti menn hann er bara sexy svei mér þá :)

Þrekraunarnámskeiðið klárast á morgun - vú hú hú hú mig hlakkar rosalega til að taka mér smá hvíld :o) Það var ekkert smá erfitt að fara í morgun því ég var svo spennt að sjá snúlluna mína kíkja í skóinn :'( Og ég missi líka af því á morgun því þá er þrekprófið :( Og úff ekki á vigtunin eftir að fara vel... hef ekkert munað eftir að taka vatnslosandi töflurnar um helgina og ég át svo mikið á jólahlaðborðinu á laugardaginn að ég hélt það myndi líða yfir mig.... grínlaust ég fann bara að það var nánast EKKERT blóð sem fór til heilans, það fór sko allt til magans sem var að rembast við að reyna að melta þetta allt!! Það var súpa+brauð í for-forrétt, svo var rosalegt forréttarhlaðborð sem ég þurfti að stafla á diskinn minn til að koma öllu fyrir sem mig langaði að smakka... aðalrétturinn var nú ekkert slor heldur og þegar að að honum kom var mér farið að líða frekar illa og úff þegar ég var búin að skófla honum í mig langaði mig ekkert meira en að fara heim og upp í sófa og horfa á imbann.. :) Ég kom ekki niður neinum eftirrétti... sælkerinn ég... en um miðnætti langaði mig rosalega í eitthvað sætt en þá var auðvitað búið að fjarlægja allan mat því Bo the king var mættur á sviðið :O)