Menning smenning

Við skelltum okkur í bæinn á menningarnótt :) Byrjuðum kvöldið á að fara út að borða á GEGGJUÐUM stað, Sjávarkjallaranum - mmmmmm mæli sko með honum!! Reyndar er mjög svo öðruvísi matur þarna á boðstólnum miðað við það sem ég er vön að borða... en það var einmitt það sem gerði þetta svo æðislegt, sem og frábær þjónusta :o)

Síðan var drifið sig út til að ná flugeldasýningunni, um leið og við stigum út af staðnum byrjaði að rigna.. og það var sem hellt úr fötu!! En sýningin var rosalega flott, ég var þó mest svekkt yfir að missa af Todmobile, verð bara að ná þeim á balli næst :)

Röltum síðan um bæinn og rákumst meðal annars á Kanadamann sem var nýkominn til Íslands og aaaaleinn! Við vinkonurnar vorkenndum honum ógurlega og spjölluðum aðeins við hann um landið og leist honum stórvel á....... ja allavega til að byrja með. Síðan fór ein af okkur vinkonunum að segja honum frá því að hún hefði unnið í AÐAL dýragarðinum á Íslandi (aka Húsdýragarðinum) og að hún hefði gefið selunum að borða á hverjum degi, litlu sætu selunum, en það eina sem hún hugsaði um á meðan hún gaf þeim að borða var að hana langaði að DREPA ÞÁ, koma bara að kvöldi til og KILL 'EM ALL.... til að búa sér til Selsskinskápu....!! Ég hélt ég yrði ekki eldri, sérstaklega yfir svipnum á manngreyinu sem velti því eflaust fyrir sér hvurn andskotann hann væri búin að koma sér í þarna í miðbæ Reykjavíkur :) En hann virtist nú jafna sig á þessari hryllingssögu og var greinilega frekar svekktur þegar sama vinkona sagði allt í einu bara "Well it was nice meeting you, bye bye" og gaurinn gat lítið annað gert en kvatt og labbað í burtu hahahahaha bara svona FARÐU NÚNA, BLESS BLESS hahaha :)

En nú er komin mánudagur og vinnuvikan rétt að byrja, þó verður kominn föstudagur áður en maður veit af..... rosalegt hvað tíminn líður hratt :s