STUÐ :o)

Vá hvað það var GEÐVEIKT stuð í afmælinu í gær :O) Þorsteinn Guðmunds, Pétur og Reynir voru með smá stand up og Reynir gaf hinum sko ekkert eftir, vá hvað hann var fyndinn sem og þeir allir, maður bara grenjaði úr hlátri :O) Síðan spiluðu Jón Ólafs og Stebbi Hilmars og voru magnaðir og maður söng NÍNU oftar en einu sinni eins og maður ætti lífið að leysa! Síðan tóku Sverrrir, Binni og Ingi lagið og voru sko ekki minna magnaðir, þetta var bara æði. Ég bókaði alla þessa menn í brúðkaupið mitt því svona myndi ég vilja hafa það, bara stuð og engar svona stífar og leiðinlegar ræður.... :) Reyndar smá bras þegar menn vildu fá dagsetninguna á brúðkaupinu þar sem ég veit ekki einu sinni árið..... hahaha en þeir sögðust sko allir ætla að mæta :)

Fórum svo á Nasa þar sem Sálin var að spila en úff það var svo geðveikt troðið þar inni og ógeðslega heitt og svo var eiginlega kominn tími á að leyfa pössupíunni að fara heim svo við létum þetta gott heita í bili. Verst að ég gleymdi myndavélinni en ég redda myndum fljótlega, stel bara hjá einhverjum öðrum sem var með vél!

En nú er maður bara komin í frí, þvílíkt magnað því þetta er í fyrsta sinn sem ég tek svona langt frí fyrir utan fæðingarorlofið! Ætla reyndar að mæta ca.3 daga í vinnu þegar Gunni fer út, til að eiga þá auka daga þegar við mamma og Dæja brunum til USA í haust, vá get ekki beðið! Er líka búin að spara nokkra daga til að eiga í des þar sem maður fær sko EKKERT jólafrí, oj ömurlegt... en best að vera ekkert að pirra sig á því núna ;)