Veik

Já nú er maður bara veikur og djö sem það er leiðinlegt maður :'( Var slöpp í allan gærdag og versnaði svo bara eftir því sem leið á kvöldið og nóttina og vaknaði í morgun öll ómöguleg, var að krókna úr kulda til að byrja með en svo kom svitakast dauðans og þetta skiptist svona skemmtilega á...! Og þessu fylgir ógleði og vanlíðan, er einhver þarna sem kannast við þetta?

Allavega þá er ég að deyja úr leiðindum og ég skal vera orðin skárri á morgun til að mæta í vinnuna, enda að koma löng helgi og ég má ekkert vera að því að hanga hérna heima hjá mér og gera ekki neitt :( En get svo sum þakkað fyrir að þetta er í fyrsta sinn á árinu sem ég veikist því fyrst eftir að daman fæddist og byrjaði hjá dagmömmu þá var ég alltaf veik, óþolandi alveg! Áður en ég átti dömuna varð ég svo til aldrei veik þannig að ég var ekki alveg að ná þessu og vona bara að við séum báðar komnar yfir þessar veikindahrinur en litla daman mín hefur ekki orðið veik síðan í apríl, en hún hafði líka verið lasin í hverjum einasta mánuði fram að því! Nú krossum við bara fingur og tær og vonum að þetta verði heilbrigða fjölskyldan héðan í frá ;)

Og ég fékk allavega einn glaðning í morgun, en ég steig á vigtina þar sem ég kemst ekki í vigtun í dag í leikfimini (er veik - you know!) og það eru farin 3 kg vúhúhú :þ Þetta gladdi sko mitt litla hjarta enda eru komnar 6 vikur og ég stefndi á 0,5 kg á viku svo ég get ekki annað en verið sátt ;) Og það besta er að ég sá lægstu tölu á vigtinni sem ég hef séð síðan ég átti dömuna *MONT*! Nú er bara að halda áfram því ég er vonandi bara rétt að byrja þar sem það er sko af nógu að taka!