Ég er pínu svona....

Klikkuð, það er það sem ég er!

Það er með klæðaburð dóttur minnar, ég held ég sé hreinlega hálf vangefin hvað hann varðar. Þegar hún fer í leikskólann á morgnana þá bara VERÐA sokkabuxurnar/sokkarnir að vera í sama lit og annaðhvort buxurnar eða peysan! Það er ekki sjens að barnið fari í bláum sokkum og svo rauðum buxum og bleikum bol - NO WAY! Og það sem meira er, teygjan sem fer í hárið á henni þarf líka að vera í sama lit og bolurinn eða buxurnar og ég held ég geti sagt að hún hafi aldrei farið í leikskólann án þess að allt sé í stíl.... Já og það sem er enn meira kreisí er að það er ekki nóg að það sé bleik peysa og bleik teygja, nei TÓNNINN þarf helst líka að vera eins.... DÍSUS ætli kallarnir í hvítu sloppunum séu á leiðinni að sækja mig....?

En með útifötin á leikskólanum þá er það alltaf sama úlpan og stígvélin/skórnir en það er líka nokkurnveginn í stíl og svo verður húfan að passa við úlpuna. En um helgar vandast málið því þá verða helst jakkinn og skórnir að vera í sömu litum og fötin sem hún er í, annað finnst mér bara varla passa saman....

Ætli það séu kannski allar mæður svona..... æi ég vona það ;) En greyið Gunni velur ekki föt á hana fyrir sitt litla líf haha biður mig alltaf að taka þau til nema um helgar þá leyfir hann nú bara snúllunni að velja á sig sjálfa ef mamma er sofandi, og viti menn ég held hún sé búin að ná þessu bara nokkurnveginn, ég er yfirleitt nokkuð sátt við valið hennar - ef ekki þá bara breytum við því hið snarasta ;)

Og það sem er nú reyndar fyndnast er að ég var svona alveg fram að unglingsárunum, var ALLTAF í sokkum og með teygju í stíl við fötin mín, það er í sama lit ;)