BJÖRGUN BURT!

Oh hvað þetta var ÆÐISLEG helgi, verst að hún er búinn :'(

Ég fór í langan og góðan göngutúr í Elliðárdalnum í dag og það er svo geggjað að labba þarna um, skil ekkert í mér að fara ekki þangað oftar þar sem þetta er bara hérna rétt hjá! Þegar ég kom tilbaka var hann Gunni minn með þessar líka frábæru fréttirnar, hann hafði farið á róló með dömuna og hitt þar konu sem er víst skyld honum sem á Björgun og hún sagði að Björgun væri nú bara byrjuð að flytja burt - VÚ HÚ HÚ ;) Fyrir þá sem vita ekki hvað/hver Björgun er, þá er það HELVXXXX sanddæmið hérna alveg við hverfið og ég HATA hana! Sandurinn er svo fínn að þrátt fyrir að hún sé nokkuð langt frá mér eru garðhúsgögnin alltaf öll í sandi sem og gluggar og þetta berst sko alveg inn á gólf takk fyrir! Fyrir utan SJÓNMENGUNINA af þessu, oj oj oj!

Við vissum að hún væri með starfsleyfi til 2007 og gæti fengið framlengingu eftir það svo ég var nú ekki vongóð að losna við þetta drasl svona fljótt en svo virðist sem hún Björgun sé bara að kveðja og ég gæti varla verið ánægðari ;) Já og sama konan sagði jafnframt að það vantaði ekki marga upp á að það væri skylda að byggja leikskóla í hverfinu svo þegar Björgun fer þá kemur leikskóli fljótlega eftir það þar sem það á að byggja á svæðinu þar sem hún er! Já það er sko bara allt að gerast í Bryggjó :o)