Allir út að borða ;)

Ég fór út að borða á miðvikudaginn með Mæju, Rebbu og Önnu Siggu í tilefni þess að hún Mæja gamla átti afmæli þarna á fimmtudeginum! Við fórum á Galileó sem svo oft áður enda hefur sá staður oftast staðið undir væntingum, en þó EKKI þetta kvöld....

Þegar við mættum á svæðið var Mæja búin að semja um það þegar hún pantaði borð að við fengjum fordrykk um leið og matseðlana. Matseðlarnir komu en engir fordrykkir.... hún kallaði því á eftir þeim og stuttu síðar var mætt með glösin. Jæja við stöllur skálum og Mæja heldur smá ræðu um það hversu frábærar vinkonur hún eigi og svo er tekinn fyrsti sopinn af fordrykknum.... allir verða pínu skrítnir á svip..... og svo spyr ein okkar "ER ÞETTA VATN?" Hahahahaha hélt við myndum deyja úr hlátri eftir allt skálið og ræðuna og allt þá voru þetta bara vatnsglös - muuuuuuuuuuu :) Jæja Mæja rekur aftur á eftir fordrykknum og hann kemur að lokum, örugglega hálftíma eftir að matseðlarnir komu...

Ég var að andast úr hungri hreinlega og ég hef oft farið á Galileó og veit að maður á að fá brauðkörfu á borðið..... eftir að við vorum búnar að sitja þarna í hátt í 40 min. spurðum við út í brauðkörfuna og úps jújú hún er á leiðinni! Hún kom og í henni voru 2 heilar sneiðar og ein skorpa og við vorum sko FJÓRAR.....??? Jiiii aftur misstum við okkur og Mæja kallaði nú á þjónustudömuna og spurði hvort þetta væri grín....?? Neinei ég ætlaði að sækja meira sagði hún og tók körfuna og fór og sótti aðra sem var þó allavega full ;)

Jæja svo koma nú aðalréttirnir..... ja allir nema einn.... við biðum og biðum og biðum og eftir ca.8 min spurðum við hvar einn aðalrétturinn væri og ÚPS hann hafði gleymst.... URRR NÚ VAR MANNSKAPURINN AÐ VERÐA PIRRAÐUR... glösin okkar voru líka tóm (þjónustudaman var með hvítvínið) og vatnsglösin líka og allt vatn á borðinu búið!! Við hinar byrjuðum bara á matnum okkar enda orðinn kaldur eftir alla biðina :( Þar sem við vorum langt frá því að vera sáttar við þetta var óskað eftir yfirþjóninum á borðið til okkar og henni sagt að þetta gengi nú bara ekki! Hún bara æ æ og bauð Önnu Siggu (sem vantaði matinn sinn) kokteilglas.... KOKTEILGLAS??? Nei takk, við borgum bara ekki fyrir vínið hér í kvöld takk fyrir, þetta verður sko ekkert bætt með einu fokking kokteilglasi (pínu kurteisislegra orðað þó) Jæja ok hún samþykkti það og við nokk sáttar þar sem vínið var nú upp á ca.10 þús kall, fordrykkir og 2 vínflöskur.

Eftir matinn spyrjum við hvort ekki sé hægt að fá kokteila á barnum? Jú þjónustudaman hélt það nú.... og hvaða tegundir ertu með spurðum við? Ég er nú bara með svona box svaraði hún og sagði svo bíðið aðeins! Mætir daman svo ekki á borðið með einhvern kassa sem í voru flettispjöld og þar á milli uppskriftir að kokteilum.... uuuuu....... eigum við að blanda kokteilana sjálfar hugsuðum við með okkur og sprungum svo úr hlátri, jiiiii þetta var bara orðið BEYOND fyndið sko ;) Pöntuðum svo bara allar eitthvað sem við þekktum þar sem greinilega var ekki til kokteillisti eða hún vissi þá ekki um hann.

Og til að toppa það þá var ein okkar að fá sér sígó með kokteilnum þegar allt í einu er ekki bara öskubakkinn tekinn með hálfri sígó sem var nú bara enn logandi og alles..... djí mar hahaha what's going on?

Já þetta er sem sagt Galileó sagan en ég var þó nokkuð sátt með verðið hehe var með 2/1 af matnum og vínið frítt muhahahaha og svo var líka mikið hlegið en ég held samt að ég geymi þennan stað í bráð, þetta var bara tú möts fyrir mig!