Helgin

Helgin var SNILLD!

Á föstudeginum komu mamma, Dæja, Auddi og Lilja og það var byrjað á því að horfa á idol. Allar stelpurnar voru í svaka flottum kjólum og Auddi sagðist sko splæsa á línuna á Humarhúsið ef Sigga myndi ekki tala um það hvað þær væru gasalega fínar.... Þegar sú síðasta var að syngja og Sigga ekki búin að koma með eitt komment um kjólana var minn orðin ansi smeykur... fór að tala um hvort HAMBORGARAR myndu duga.... "UUUUU NEI" var svarið ;) En svo þurfti Sigga endilega að tala um fötin eftir síðustu frammistöðuna og Humarhúsið flaug út um gluggan í þetta skiptið, þvílíkur BÖMMER :'( En það var þó einn sem fagnaði...

Síðan var spilað Actionary og JESÚS ég hef aldrei hlegið jafn mikið á ævinni. Dæja og mamma vorum með mér í liði og þvílíkir leikarar sem eru þar á ferð... einhverra hluta vegna komumst við varla af byrjunarreit áður en hitt liðið kláraði spilið! En við hlógum svo mikið að ég fékk þvílíku magaverkina, þeir voru þó þess virði ;)

Á laugardaginn var matarboð hjá Mæju og Smára, maturinn geggjaður og allir í gúddí fíling. Síðan var farið niður í bæ og ég entist nú bara til að verða kl.6 í bænum, held það hljóti að vera met hjá Maríu Blöndal, er sko mega stolt af mér ;) Sváfum svo í tæpa 5 tíma en þá var tekið á móti litlu snúllu og farið með hana í leikhúsið, voru allir hálf slappir og þreytulegir í gærkveldi og farið snemma að sofa... dugði þó ekki til, er að leka niður af þreytu og úff það er svo langt í næstu helgi sem svo reyndar byrjar með djammi.... hvar endar þetta?