Hvað er málið?

OH NÚ ER ÉG PIRRUÐ :( Búin að gera upp allt herbergið hennar Önju en á eftir að kaupa skápinn sem átti að fara inn í herbergið. Er búin að finna rosalega sætan skáp í Ikea sem við bóndinn ætluðum að pikka upp eftir vinnu en svo allt í einu fattaði ég það að hann er örugglega ekki til því það er ALDREI neitt til sem ég ætla að kaupa mér, sérstaklega ekki í IKEA eða rúmfatalagernum... Jæja prufaði að hringja í þá til að kanna þetta og jú jú auðvitað hafði ég rétt fyrir mér, skápurinn er ekki til og ekki væntanlegur fyrr en eftir 3-4 vikur - ARG :(

Þetta er sum sé ekkert nýtt, þegar við keyptum eldhússtólana okkar voru þeir ekki til, þurftum að bíða eftir þeim. Borðstofuborðið sem við ætluðum að fá var ekki til, biðum eftir því lengi en það kom svo bara aldrei aftur.... Sófasettið var ekki til þegar við ætluðum að kaupa það, fengum sýnishornið eftir að ég missti mig aðeins yfir ástandinu í versluninni.... Græjuskápurinn var ekki heldur til, fengum sýnishornið þar líka ;) Geisladiskastandurinn var ekki til, þurftum að bíða eftir honum..... 2svar hef ég fundið gardínur í stofuna mína en í hvorugt skiptið hafa þær verið til og hafa svo bara ekkert komið aftur..........Rúmið sem ég ætlaði að kaupa handa Hafdísi Önju var ekki til, ég nennti ekki að bíða og fann bara annað já og nú er það skápurinn sem ekki er til.... ég get svo svarið fyrir það, þetta er bara pirrandi!!